எப்போதும் இளமையாக இருக்க

 *வயதான தோற்றம் தெரியாமல் எப்போதும் இளமையாக இருக்க 5 இயற்கை பொருள்கள் இதோ...*

வயதான தோற்றத்தை குறைக்க வேண்டுமானால் நாம் அதற்கான சில செயல்களில் ஈடுபட வேண்டும். சில இயற்கைப் பொருட்களை கொண்டு நமது சருமத்தை பராமரிப்பதன் மூலம் முதுமையை தள்ளி வைக்க முடியும். நமது சருமத்தில் பெரும்பாலும் கோடுகள் மற்றும் சில புள்ளிகள் வயதான அதற்கான அறிகுறிகள் காணப்படுகின்றன. ஆனால் அதை குறித்து கவலைப்படாமல் வயதானது போல தெரியும் தோற்றத்தை சரி செய்ய வேண்டிய நடவடிக்கைகளில் நாம் ஈடுபட வேண்டும். விலையுயர்ந்த க்ரீம்கள் மற்றும் சிகிச்சைகளில் பணத்தை செலவு செய்வதற்கு பதிலாக, நமது சருமத்தை இளமையாக வைத்திருக்க உதவும் சில இயற்கை வழிகளை பின்பற்றலாம். வீட்டில் இருக்கும் இந்த ஐந்து பொருட்கள் முதுமையை தாமதப்படுத்தி இளமையையும் தக்க வைத்துக் கொள்ள உதவுகிறது.

​கற்றாழை

கற்றாழை மிக ஆரோக்கியமான ஒரு தாவரம். இது மிகவும் சதைப்பற்றுடன் காணப்படுகிறது. இதனுடைய பலன்கள் அழகு, மருத்துவம், சரும பராமரிப்பு போன்ற பல்வேறு துறைகளில் பயன்படுத்தப்படுகிறது. கற்றாழை ஜெல்லில் உள்ள அமினோ அமிலங்கள் சருமத்தை ஈரப்பதத்துடன் வைத்திருக்கவும், சருமங்களில் உள்ள சுருக்கங்களை குறைக்கவும் உதவுகிறது. இதுதவிர வறண்ட கால நிலைகளிலும் கூட செழித்து வளரக்கூடியது என்பதால் இதனுடைய இலைகளில் தண்ணீர் சேமிக்கப்படுகிறது.

தாவரத்தில் உள்ள அமினோ அமிலங்கள் மற்றும் கார்போஹைட்ரேட்டுகள் உடன் இணைந்து இது சருமத்திற்கு தேவையான நீர்ச்சத்தை தக்க வைத்துக் கொள்கிறது. இது முகப்பரு எதிர்ப்பு விளைவைக் கொண்டுள்ளது. மேலும் இதில் வைட்டமின் சி, வைட்டமின் ஏ மற்றும் பீட்டா கரோட்டின் நிறைந்த ஊட்டச் சத்துக்கள், சருமத்திற்கு ஆரோக்கியத்தையும் முதுமையினால் ஏற்படும் சுருக்கங்களை சரி செய்யவும் உதவுகிறது.

​ஆமணக்கு எண்ணெய்

ஆமணக்கு எண்ணெய் முகத்தில் ஏற்படும் சுருக்கங்கள் மற்றும் கோடுகளை சரிசெய்ய ஒரு சிறந்த மூலப்பொருள். இது சருமத்திற்கு தேவையான ஈரப்பதத்தை கொண்டுள்ளது. ஆமணக்கு எண்ணெயில் உள்ள ரிசினோலிக் அமிலம் சருமத்தை சுத்தம் செய்ய உதவும் அழற்சி எதிர்ப்பு பண்புகளை கொண்டுள்ளது. சருமத்தை நீர்ச்சத்துடன் வைத்து இளமை தோற்றத்தை அளிக்க இந்த ஆமணக்கு எண்ணெய் மிகவும் பயனுள்ளதாக இருக்கும்.

மேலும் அதிகரித்த ரத்த ஓட்டம் சருமத்திற்கு ஊட்டச்சத்தினை வழங்க உதவுகிறது. மேலும் வயது முதிர்வு காரணமாக ஏற்படும் புள்ளிகள் மற்றும் கோடுகளை சரி செய்ய உதவுகிறது. மேலும் இதில் உள்ள நன்மைகள் காரணமாக சருமத்திற்கு இயற்கையான பளபளப்பு திரும்பக் கிடைக்கும்.

​எலுமிச்சை

எலுமிச்சையில் உள்ள ஆல்பா ஹைட்ராக்ஸி அமிலம் மற்றும் பீட்டா ஹைட்ராக்ஸி அமிலம் போன்றவை இறந்த தோல் செல்களை அகற்ற உதவுகின்றன. மேலும் முகப்பரு மற்றும் வயது முதிர்வு காரணமாக ஏற்படும் நிற மாற்றத்தைத் குறைக்க உதவுகிறது. வைட்டமின் சியில் உள்ள ஆன்டி-ஆக்ஸிடன்ட்கள் முகத்தில் ஏற்படும் கோடுகள் மற்றும் சுருக்கங்களை தடுக்க உதவுகிறது. எலுமிச்சையில் உள்ள வைட்டமின் சி இளமை தோற்றத்தை தக்க வைத்துக் கொள்ளவும் வயதாவதால் ஏற்படும் அறிகுறிகளை குறைக்கவும் உதவுகிறது.

தேன்

தேனில் உள்ள நொதிகள் சருமத்தை மென்மையாக்கி ஈரப்பதமாக்குகின்றன. இது ஆன்டி-ஆக்ஸிடன்ட்டுகள், கிருமிநாசினி மற்றும் பாக்டீரியா எதிர்ப்பு பண்புகளைக் கொண்டுள்ளது. இது சருமத் துளைகளில் இருந்து அழுக்கை அகற்றுவதன் மூலம் பிளாக்ஹெட்ஸ்களை அகற்ற உதவுகிறது. இது சருமத் துளைகளை நீரேற்றமாக வைத்து, உங்கள் சருமத்திற்கு பளபளப்பை வழங்குகிறது. மேலும் முதுமையின் விளைவுகளை மாற்றியமைக்கிறது.

​வேம்பு

வேம்பின் உள்ள வைட்டமின் ஈ, ஆன்டி-ஆக்ஸிடன்ட்டுகள், கால்சியம் மற்றும் லிமோனாய்டுகள் போன்றவை சரும ஆரோக்கியத்தை அதிகரிக்கச் உதவுகிறது. அதன் சுத்திகரிப்பு பண்புகள் முகப்பரு சிகிச்சை மற்றும் வடுக்களை குறைக்க உதவும். வேம்பு சுருக்கங்கள், நேர்த்தியான கோடுகள் ஆகியவற்றைக் குறைத்து, கொலாஜன் உற்பத்தியை அதிகரிக்கிறது. இந்த ஆற்றல் மிக்க மூலப்பொருள் உங்கள் சரும பராமரிப்பு லிஸ்டில் கண்டிப்பாக இருக்க வேண்டும், ஏனெனில் இது வயதான தோற்றம் ஏற்படுவதில் இருந்து சருமத்தைப் பாதுகாக்க உதவுகிறது.